IKASLEEN PROGRAMA

Euskal Ontzijabeen Elkartea Eusko Jaurlaritzarekin lankidetzan ari izan da, Portu eta Itsas Gaietako Zuzendaritzaren bitartez, bere helburuak betetzeko, besteak beste, itsas garraioaren sektoreari laguntzea eta Merkataritza Nabigazioko etorkizuneko profesionalak birziklatu eta hobetu ahalbidetzen duten prestakuntza praktiko eta teorikoko programak antolatuz.

Lankidetza horri esker, Elkarteak 1993tik aurrera Nautikako Eskoletako ikasleak ontzi elkartuetan ontziratzeko programa bat kudeatzen du, Merkataritza Nabigazioko titulu akademikoa eta/ edo profesionala lortzeko derrigorrezko praktikak egiteko.

Proiektu hau Bilboko Nautika Eskolarekin koordinazioan hasi zen, gaur egun Ingeniaritza Eskola dena. Bertan Itsas Nabigazioko Gradua eta Nautikako eta Itsas Garraioko Gradua irakasten dira. Harrezkero, programa honek 2.700 ikasle baino gehiagori eman die estaldura, eta, horrela, sektoreko etorkizuneko profesionalen prestakuntzan eta Euskal Merkataritzako Ontzidiaren garapenean lagundu du.

Ikusi bideoa LEHENENGO ONTZIRATZEA

Elkarteak, halaber, itsas lanbidearen bokazioa sustatzearen aldeko apustua egiten du, ikastetxeetara 2019an hasitako bisita-programa baten bidez. Programa horren helburua belaunaldi berriei sektorea eta eskaintzen dituen aukera profesional handiak ezagutaraztea da.

Bisita horietan, bideo bat aurkezten da, non gure ontzi-enpresa elkartuetako profesionalek eta sektoreko beste profesional batzuek hartu duten parte, Eusko Jaurlaritzaren kolaborazioarenkin. Bere helburu nagusia, lehen pertsonan egindako testigantzen bidez, ikasleentzat ezezaguna den lanbide hau ezagutaraztea da, baita gure sektoreak eskaintzen dituen aukerak ere, horrela, hain beharrezkoa den belaunaldi-erreleboa sustatuz.

Hitzaldi horietara joan ondoren, interesatuta dauden ikasleek UPV/EHUko Nautika eta Itsasontzi Makinetako Goi Eskola Teknikoko ikasleekin bat egin dezakete, “Saltillo” eskola-ontzian hurrengo lehorreratze-porturaino nabigatuz. Ontzi horrek, Eusko Jaurlaritzako Portu eta Itsas Arazoetarako Zuzendaritzaren ekimenez, urtero egiten du bere ohiko udako kostera. Horrela, lehen pertsonan esperimentatzen dute nola aplikatzen diren nabigazio-praktikak unibertsitate-ikasturtean eskuratutako ezagutzan baita zeharkaldi horien planifikazioan eta prestaketan nola parte hartzen duten. Zalantzarik gabe, esperientzia horrek etorkizunean marinel gisa ikusteko aukera emango die.

2018ko ekainaren 26an, Bilboko Itsasadarra Itsas Museoan Merkataritza Itsas Armadako profesionalentzako prestakuntza praktikoko programetan Eusko Jaurlaritzaren eta Euskal Armadoreen Elkartearen lankidetzaren 25. Urteurrena ospatu zen. ( Ikus Programaren XXV. urteurrena panela )